ठाणे येथे झालेल्या भ्याड हल्ल्याचा हदगाव नगर परिषदेच्या वतीने जाहीर निषेध

ठाणे येथे झालेल्या भ्याड हल्ल्याचा हदगाव नगर परिषदेच्या वतीने जाहीर निषेध

 महाराष्ट्र राज्य नगरपरिषद , नगरपंचायत कर्मचारी / संवर्ग कर्मचारी संघटना शाखा हदगाव जि.नांदेड यांच्या वतीने काळ्या फिती लावून जाहीर निषेध 

-----------------------------------------------------------

हदगाव (प्रतिनिधी ) - ठाणे महानगरपालिकेच्या सहाय्यक आयुक्त श्रीमती कल्पिता पिंपळे यांचेवर झालेल्या भ्याड हाल्याचा जाहीर निषेध म्हणून एक दिवस काळ्या फिती लावून काम बंद बाबत   दि. 30 ऑगस्ट 2021 रोजी ठाणे महानगरपालिकेच्या सहाय्यक आयुक्त श्रीमती कल्पिता पिंपळे या सायंकाळी 5.30 च्या सुमारास अतिक्रमण विरोधी पथक घेवून अनाधिकृत हातगाड्यांवर कारवाई करत असताना तेथील गुन्हेगारी प्रवृत्तीचे फेरीवाले यादव यांनी त्यांच्यावर व त्यांचे सुरक्षा रक्षकावर कार्यालयीन कामकाज करत असतांना शासकीय कामात अडथळा करून त्यांचेवर जीवघेणा हल्ला केला . यामध्ये त्यांच्या हाताची बोटे छाटली असून गंभीर स्वरूपाचा भ्याड हल्ला केला आहे . या सर्व प्रकाराचा हदगाव नगर परिषद कर्मचारी संघटनेच्या वतीने जाहीर निषेध करण्यात येत आहे व हदगाव नगर परिषद सर्व कर्मचारी आज दिनांक 31 ऑगस्ट 2021 रोजी काळ्या फिती लावून काम  करण्यात येत आहे. अशा प्रकारचे निवेदन प्रभारी मुख्याधिकारी नगरपरिषद यांच्याकडे दिले आहे .या निवेदनावर चक्रपाणी कदम, प्रशांत जोपळे, श्यामसुंदर मोरे,कुलदीप बोकारे, श्रीमती मीराताई गुंडे, शेख अमेर फहिम अहमद, श्रीमती शैलजा, फुलारी शेख अजीम शेख इकाब, या निवेदनावर सर्व कर्मचारी नगर परिषद हदगाव यांच्या स्वाक्षर्‍या आहेत

श्री महादेव मठ संस्थान येथे संजीवनी समाधी श्री गुरू बसवलिंग स्वामी यांचा 856 स्मृती महोत्सव चे आयोजन

श्री महादेव मठ संस्थान येथे संजीवनी समाधी श्री गुरू बसवलिंग स्वामी यांचा 856 स्मृती महोत्सव चे आयोजन 

हदगाव (प्रतिनिधी) - श्री महादेव मठ संस्थान येथे संजीवनी समाधी श्री गुरू बसवलिंग स्वामी यांचा 856 स्मृती महोत्सव चे आयोजन शिव चैतन्य महाराज यांच्या अध्यक्षतेखाली  करण्यात आले. यावेळेस हदगाव पंचक्रोशीतील सर्व वीरशैव लिंगायत समाज बांधव मोठ्या संख्येने उपस्थित होते. यावेळेस गुरू बसवलिंग स्वामी संजीवनी समाधी वर अभिषेक करण्यात आला व त्यानंतर परम रहस्य पारायणाचे अध्ययन झाले व महाआरती करण्यात आली व महाप्रसाद वाटप करण्यात आला . कार्यक्रम कोरोना महामारी चे नियम पाळून साजरे करण्यात आला. या वेळेस शिव चैतन्य महाराज यांनी समाज बांधवांना उपदेश दिला व या कार्यक्रमासाठी महादेव मठ संस्थान कमेटी सदस्य ऊत्तमराव टिकोरे नारायणराव लामतुरे, मारोतराव चंदापुरे , अंबादासराव सोनोने, उमाकांतराव राऊतराव नामदेव  वाकोडे, बालाजी घाळाप्पा, शिवकुमार महाजन व किसनराव मुखेडी, नारायण सोनोने, बाळु कंठाळे ,अशोकराव टिकोरे , देवानंद महाजन ,सतिष महाजन  ,संतोष टिकोरे ,निखील तोडकर  ,विलास पोगरे , देविदास  टाले आणि हदगाव  परिसरातील भाविक भक्त महिला मंडळ उपस्थित होते.

हिंमत असेल तर नारायण राणेनी माहूर -किनवट तालुक्यात येऊन दाखवावे : ज्योतीबा खराटे

हिंमत असेल तर नारायण राणेनी माहूर -किनवट तालुक्यात येऊन दाखवावे : ज्योतीबा खराटे

विनोद भारती

श्रीक्षेत्र माहूर ( प्रतिनिधी  )केंद्रीय मंत्री नारायण राणे यांनी शिवसेनेचे पक्षप्रमुख तथा राज्याचे मुख्यमंत्री उद्धव ठाकरे यांचे बाबत  आक्षेपार्ह वक्तव्य केल्याचे  पडसाद माहूर शहरात उमटले आहेत.दि.24 ऑगस्ट रोजी दु.1 वा.जिल्हा उपप्रमुख ज्योतीबा खराटे यांचे नेतृत्वात शिवसैनिकांनी   जोरदार घोषणा देत पुतळा जाळून राणे यांच्या   त्या वक्तव्याचा जाहीर  निषेध केला. यावेळी खराटे यांनी हिंमत असेल तर राणे यांनी माहूर -किनवट तालुक्यात येऊन दाखविण्याचे आव्हान दिले.

     यावेळी तालुका प्रमुख सुदर्शन नाईक,शहर प्रमुख निरधारी जाधव,युवा सेनेचे संदीप गोरडे,शोषल मीडिया प्रमुख जितु चोले,दिपककाका कन्नलवार,पं.स.चे माजी सभापती नामदेव कातले,अभिषेक जयस्वाल, उपसभापती उमेश जाधव, अशोक उपलवाड, दिपक कांबळे,सुरेश आराध्ये,संतोष दुबे,अभिषेक दुबे,हनुमंत मुंडे,खुशाल तामखाने,प्रफुल्ल बाळसकर,सदानंद पुरी यांचेसह असंख्य शिवसैनिक उपस्थित होते.पो.नि.नामदेव रिठे यांचे नेतृत्वात  स.पो.नि. अण्णासाहेब पवार,शारदासूत खामनकर,इंगळे,कन्नलवार यांनी चोख बंदोबस्त ठेवला होता.

वय,समाज आणि वर्ण याचे बंधन नसणारी...‘मैत्री’

ग्रामीण भागातही जागतिक मैत्री दिवस साजरा

नितिन कन्नलवार

वाई बाजार (प्रतिनिधी) - संपूर्ण जगात दिनांक एक ऑगस्ट हा जागतिक मैत्री दिवस म्हणून साजरा केला जातो.या दिवशी मित्र-मैत्रिणी एकमेकांच्या मनगटावर फ्रेंडशिप बॅन्ड बांधून आपल्या घट्ट मैत्रीचे प्रतिक म्हणून साजरे करतात. सोशल मीडियाच्या माध्यमातून माहितीचे आदान-प्रदान इतका मोठ्या प्रमाणात होत आहे की ते हौशी तरुणांपासून शाळकरी चिमुकला पर्यंत वैश्विक स्तरावरील अनेक ‘डे’ साजरे केले जातात. याच पाश्‍चात्त्य संस्कृतीचे अनुकरण ग्रामीण भागातही मोठ्या प्रमाणात केले जात असल्याचे उदाहरण आज झालेल्या मैत्री दिवसाच्या निमित्ताने चिमुकल्यांना ही मोह आवरता आला नाही.

मैत्री ही निखळ,निस्वार्थी असते आणि सुख-दु:खाच्या प्रसंगी पाठराखण करतांना दिसते.मैत्री वय,रुप,रंग,लिंग,संपत्ती या सर्व विषयांना बगल देत फुलते.खरतर सहवासाचा वेलीला हमखास लागलेले फळ म्हणजे मैत्री. या मैत्रीचा गौरव सिद्ध करणारा मैत्री दिवस म्हणजेच 'फ्रेंडशिप डे' इतका प्रचलित झाला आहे की,अगदी ग्रामीण भागात ही तो साजरा होतांना आज पहायला मिळतोय हा खरंच मैत्रीचा विजय आहे.

फोटो:दुर्गम माहूर तालुक्यातील वाई बाजार मध्ये पत्रकार साजीद खान यांना फ्रेंडशिप बॅन्ड बांधून शुभेच्छा देताना चिमुकली हृदया मिलिंद कंधारे.

हिंमत असेल तर नारायण राणेनी माहूर -किनवट तालुक्यात येऊन दाखवावे.ज्योतीबा खराटे

हिंमत असेल तर नारायण राणेनी माहूर -किनवट तालुक्यात येऊन दाखवावे.ज्योतीबा खराटे

विनोद भारती

श्रीक्षेत्र माहूर ( प्रतिनिधी  )केंद्रीय मंत्री नारायण राणे यांनी शिवसेनेचे पक्षप्रमुख तथा राज्याचे मुख्यमंत्री उद्धव ठाकरे यांचे बाबत  आक्षेपार्ह वक्तव्य केल्याचे  पडसाद माहूर शहरात उमटले आहेत.दि.24 ऑगस्ट रोजी दु.1 वा.जिल्हा उपप्रमुख ज्योतीबा खराटे यांचे नेतृत्वात शिवसैनिकांनी   जोरदार घोषणा देत पुतळा जाळून राणे यांच्या   त्या वक्तव्याचा जाहीर  निषेध केला. यावेळी खराटे यांनी हिंमत असेल तर राणे यांनी माहूर -किनवट तालुक्यात येऊन दाखविण्याचे आव्हान दिले.

     यावेळी तालुका प्रमुख सुदर्शन नाईक,शहर प्रमुख निरधारी जाधव,युवा सेनेचे संदीप गोरडे,शोषल मीडिया प्रमुख जितु चोले,दिपककाका कन्नलवार,पं.स.चे माजी सभापती नामदेव कातले,अभिषेक जयस्वाल, उपसभापती उमेश जाधव, अशोक उपलवाड, दिपक कांबळे,सुरेश आराध्ये,संतोष दुबे,अभिषेक दुबे,हनुमंत मुंडे,खुशाल तामखाने,प्रफुल्ल बाळसकर,सदानंद पुरी यांचेसह असंख्य शिवसैनिक उपस्थित होते.पो.नि.नामदेव रिठे यांचे नेतृत्वात  स.पो.नि. अण्णासाहेब पवार,शारदासूत खामनकर,इंगळे,कन्नलवार यांनी चोख बंदोबस्त ठेवला होता.

पुतळ्याच्या जागेच्या मागणीला पाठींबा दर्शविण्यासाठी माहूर कडकडीत बंद.

पुतळ्याच्या जागेच्या मागणीला पाठींबा दर्शविण्यासाठी माहूर कडकडीत बंद.

विनोद भारती

श्रीक्षेञ माहूर (प्रतिनिधी )-  हरितक्रांतीचे प्रणेते माजी मुख्यमंत्री स्व. वसंतराव नाईक यांच्या पुतळ्याची नियोजित जागा मोकळी करून घेण्यासाठी गोर सेनेने दि.14 ऑगस्ट पासून  न.पं.कार्यालयाच्या प्रांगणात आमरण उपोषण  सुरू केले आहे.त्यास पाठींबा दर्शविण्यासाठी    माहूर शहरातील व्यापा-यांनी आपली प्रतिष्ठाने बंद ठेवून कडकडीत बंद पाळला.

        नियोजित पुतळ्या संदर्भात गोर सेनेने सुरू केलेल्या आमरण उपोषणावर तोडगा काढण्यासाठी नगर पंचायतीने दि.18 ऑगस्ट रोजी स.11वा. तातडीची ऑन लाईन बैठक घेतली. तीत स्व.वसंतराव नाईकांच्या नियोजित पुतळ्याचा ठराव एकमुखाने पारित करण्यात आला. 

      दरम्यान उपोषणाच्या  चौथ्या दिवशी पंधरा पैकी अकरा उपोषणार्थींची प्रकृती खालावली होती.त्यांचेवर ग्रामीण रूग्णालयात उपचार करून त्यांना उपोषण स्थळी पाठविण्यात आले.

  

"आजच्या ऑन लाईन बैठकीत नियोजित  पुतळयाच्या जागेचा ठराव एकमुखाने पारित झाला असून जागेच्या मालकी हक्का संदर्भात आजच महसुल व भूमि अभिलेख कार्यालयाला पत्र व्यवहार  करण्यात आला आहे. ज्या व्यक्तीच्या ताब्यात आज ती जागा आहे,त्यांना मालकी हक्क सिद्ध करण्या संदर्भात पुरावे सादर करण्यासाठी तिन दिवसाची नोटीस बजावली आहे.उपोषणा प्रती प्रशासन संवेदनशील आहे."

मुख्याधिकारी राकेश गिड्डे

हदगाव तालुक्यात लोकशाहीर अण्णाभाऊ साठे जयंती साजरी

हदगाव तालुक्यात लोकशाहीर अण्णाभाऊ साठे जयंती साजरी 

 संतोष मस्के

बरडशेवाळा (प्रतिनिधी) -   हदगाव तालुक्यातील पळसा येथे साहित्यरत्न लोकशाहीर अण्णाभाऊ साठे यांची जयंती साजरी करण्यात आली. यावेळी लोकशाहीर अण्णाभाऊ साठे यांच्या प्रतिमेला पुष्पहार अर्पण करून  मंगळवार  रोजी जयंती साजरी करण्यात आली. 

यावेळी पळसा येथील उपस्थित शिल्पाताई रणजित कांबळे (सरपंच ) ,  राजूभाऊ मदन काला (उपसरपंच), सदस्य दिपक पाटील , कामाजी निमंङगे , शंकर कदम , गजानन मस्के,  गणेश हमरे ,शंकर मस्के , प्रमोद कांबळे, परभाकर धांडे , राव राज , ज्ञानेश्वर हराळे व पळसा येथील प्रतिष्ठित नागरिक उपस्थित होते.