अँटी करप्शन ब्युरोची दुय्यम निबंधक श्रेणी बालाजी शंकरराव उत्तरवार यांच्यावर कारवाई

अँटी करप्शन ब्युरोची दुय्यम निबंधक श्रेणी बालाजी शंकरराव उत्तरवार यांच्यावर कारवाई 

हदगाव रजिस्टर ऑफिस येथील घटना

हदगाव (प्रतिनिधी )- नांदेड येथील अँटी करप्शन ब्युरोची हादगाव येथे दुय्यम निर्धारक श्रेणी असलेल्या अधिकाऱ्यावर कारवाई करण्यात आली. याबाबत सविस्तर माहिती अशी की, तक्रार धारकांनी नांदेड येथे तक्रार करून लाच मागणी करत असल्याची माहिती संबंधित अँटीकरप्शन ब्युरोच्या अधिकाऱ्यांनी सापळा रचत दिनांक 12 जुलै रोजी कारवाई केल्याची दिसून आले. याबाबत प्राप्त झालेली माहिती अशी की,यातील तक्रारदार यांनी मौ. हदगाव येथील गट क्रमांक 256/2 मध्ये 20 गुंठे शेतजमीन खरेदी केली होती. दि. 08/07/2024 रोजी तक्रारदार नमुद शेत जमीनीच्या रजिस्ट्री करिता उप निबंधक कार्यालय, हदगाव येथे जावून लोकसेवक उत्तरवार, दुय्यम निबंधक यांना भेटले असता त्यांनी रजिस्ट्री करण्यासाठी 1,99,000/- रु. नोंदणी व मुद्रांक फी सह लाचेची मागणी केली. नमुद शेतीचे रजिस्ट्री करिता लोकसेवक मागत असलेले 1,99,000/- रु. नोंदणी व मुद्रांक फी व्यतिरिक्त लाचेची मागणी करीत असल्याचे तक्रारदार यांची खात्री झाली व त्यांना लाच देण्याची इच्छा नसल्याने, त्यांनी लाचलुचपत प्रतिबंधक विभाग, नांदेड येथे 

दि. 12/07/2024 रोजी याबाबत तक्रार दिली. 

       नमुद तक्रारीवरून लाचलुचपत प्रतिबंधक विभाग, नांदेडकडून लाच मागणीची पडताळणी केली असता, आलोसे क्र. 1) बालाजी उत्तरवार यांनी तक्रारदार यांना नमुद शेतीच्या रजिस्ट्री करिता नोंदणी व मुद्रांक फी सह असे म्हणून पंचासमक्ष 1,99,000/- रूपयाची मागणी केली. तेव्हा तक्रारदार यांनी नमुद रक्कम कमी करण्यास विनंती केली असता लोकसेवक यांनी 4,000/- रु. कमी द्या, असे म्हणून तडजोडी अंती 1,95,000/- रु. लाचेची मागणी करून लाच रक्कम आरोपी क्र. 2) समीउल्ला अजमतउल्ला शेख याचेकडे देण्यास सांगितले. 

     त्यावरून करण्यात आलेल्या सापळा कार्यवाही दरम्यान आरोपी क्र. 2) समीउल्ला यांनी तक्रारदार यांचेकडून लाचेची रक्कम 1,95,000/- रु. उप निबंधक कार्यालय, हदगाव चे आवारात स्विकारून नमुद रक्कम आरोपी क्र. 3) शेख अबुबकर याचेजवळ दिली. त्यानंतर तक्रारदार यांना नोंदणी व मुद्रांक फिस भरल्याची   1,13,400/- रु. ची पावती दिली आहे. नमुद प्रकरणात लोकसेवक उत्तरवार यांनी नोंदणी व मुद्रांक फीचे नावाखाली तक्रारदार यांचेकडे पंचासमक्ष 81,600/- रु. लाचेची मागणी करून नमुद रक्कम आरोपी क्र. 2) समीउल्ला यांचेद्वारे स्विकारली. नमुद लाच रक्कम आरोपी क्रमांक 3) यांनी स्वतःचे ताब्यात ठेवून गुन्हयास प्रोत्साहन दिले आहे. आरोपीस ताब्यात घेण्यात आले असून पोलीस स्टेशन हदगाव, जि.नांदेड येथे गुन्हा दाखल करण्याची प्रक्रिया सुरू आहे असल्याचे सांगितले हा सापळा रचताना मार्गदर्शक डॉ.राजकुमार शिंदे, (भापोस पोलीस अधीक्षक),  पर्यवेक्षण अधिकारी श्री प्रशांत पवार (पोलीस उप अधीक्षक,अँटी करप्शन ब्युरो, नांदेड) यांच्या मार्गदर्शनाखाली सापळा व तपास अधिकारी प्रिती जाधव ,पोलीस निरीक्षक,अँटी करप्शन ब्युरो, नांदेड,सापळा कारवाई पथकअँटी करप्शन ब्युरो, नांदेड टीम

पिंपरखेड व करमोडी येथील अतिवृष्टीमुळे झालेल्या शेतीची तहसीलदार विनोद मुंडमवार यांच्याकडून पाहणी

 

 भाजपाचे डॉ.श्रीकांत पाटील व चंद्रशेखर पाटील देखील शेतकऱ्यांच्या बांधावर: नुकसान ग्रस्त शेतकरी बांधवांच्या जाणून घेतल्या समस्या 

हदगाव (प्रतिनिधी) - सातत्याने तीन दिवसापासून चालू असलेल्या पावसाने हदगाव तालुक्यातील जनजीवन विस्कळीत झाले असून अतिवृष्टीमुळे बहुतां शेतातील पिकांची नुकसान झाल्याचे दिसून येत आहे.अतिवृष्टीचा फटका कोणकोणत्या भागाला बसला या हेतूने प्रशासनाची यंत्रणा कामाला लागल्याची दिसून येत असून तहसीलदार विनोद गुंडमवार यांनी मोजे पिंपरखेड व करमोडी येथील नदीकाठच्या पिकांची पाहणी केली असल्याचे कळाले आहे.ज्या शेतकरी बांधवांचे शेतातील पिकांचे नुकसान झाले त्यांच्याशी संवाद देखील साधल्याची माहिती कळाली आहे. यावेळी तहसीलदार विनोद गुंडमवार यांच्यासोबत भाजपाचे लोकसभा इच्छुक उमेदवार डॉ.श्रीकांत पाटील, भाजपा प्रदेश कार्यकारणी सदस्य चंद्रशेखर पाटील कोळीकर, तालुका कृषी अधिकारी, गट विकास अधिकारी, तलाठी ,मंडळ अधिकारी ,भाजपा तालुका सरचिटणीस चंद्रकांत पवार, डॉ.सुधाकर लोमटे, विवेक चोतमाल, दिगंबर साखरे, पिंपरखेड व करमोडी येथील सरपंच ,ग्रामसेवक व गावकरी मंडळी उपस्थित होती.

श्रीकांत पाटील यांनी  कोळी येथील शेतनुकसानीची केली पाहणी

      मोजे कोळी येथे देखील मोठ्या प्रमाणात अतिवृष्टी होऊन शेतकरी रामराव भगवान जगताप यांच्या शेतातील पिकांचे नुकसान झाले.यावेळी भाजपाचे डॉ.श्रीकांत पाटील यांनी नुकसानग्रस्त शेतकऱ्यांशी संवाद साधत संबंधित पीक नुकसानीची माहिती जिल्हाधिकारी अभिजीत राऊत व तहसीलदार विनोद गुंडमवार यांना दिली असल्याचे कळाले असून तहसीलदार देखील येथील गावातील पीक नुकसानीची पाहणी करणार असल्याचे चंद्रशेखर पाटील यांच्याकडून माहिती काढली आहे. शासन स्तरावरून लवकरात लवकर नुकसान ग्रस्त शेतीचे पंचनामे  करण्याची मागणी शेतकरी बांधव करताना दिसून येत आहेत.

नूतन तहसीलदार विनोद गुंडमवार यांचा पत्रकाराच्या वतीने सत्कार

हदगाव (प्रतिनिधी ) - हदगाव येथे तहसीलदार म्हणून विनोद गुंडमवार रुजू झाल्यानंतर त्यांचा हदगाव तालुका सोशल मीडिया व प्रिंट मीडियाच्या पत्रकाराच्या वतीने तसेच सामाजिक कार्यकर्त्यांच्या वतीने सत्कार करण्यात आला. सोशल मीडियाचे हदगाव तालुका अध्यक्ष मारुती काकडे, सचिव शितल भांगे ,संपादक तथा पत्रकार प्रा. गजानन गिरी, उपाध्यक्ष पत्रकार गजानन जिदेवाड, प्रवीण माने, सामाजिक कार्यकर्ते सुदर्शन भारती , दुर्गाताई भारती पत्रकार ज्योतिबा भांगे पाटील यांच्या वतीने नूतन तहसीलदार विनोद गुंडमवार यांचा सत्कार करून त्यांना पुढील कार्यासाठी शुभेच्छा देण्यात आल्या.

शासन आपल्या दारी उपक्रम राबविण्याची सवीता निमडगे यांची प्रशासनाकडे लेखी निवेदनाद्वारे मागणी

हदगाव (प्रतिनिधी ) - शासनाकडून राबविण्यात येणाऱ्या विविध योजनेच्या लाभासह गावस्तरावरील अडीअडचणी सोडविण्यासाठी शासन प्रत्येक गावांसाठी ग्रामसेवक तलाठी सह विविध विभागांचे अधिकारी कर्मचारी यांच्या माध्यमातून लाखो रुपये खर्च करीत असते.पण कमी कर्मचाऱ्यांच्या नावाखाली अधिकारी कर्मचारी  आपल्या सोयीनुसार राहुन काम करत असल्याने त्यांची गावभेट नावालाच उरली असुन प्रत्येक गावामध्ये काही प्रतिष्ठित यांच्याशी संपर्कात राहून काम करत असल्याने सर्व सामान्य माणसाला आपले काम करण्यासाठी हेलपाटे मारावे लागत असल्याने होत असलेली गैरसोय लक्षात घेऊन प्रत्येकाची कामे एकाच ठिकाणी व्हावे यासाठी शासनाने राबविलेला शासन आपल्या दरबारी हा उपक्रम सर्व सामान्य माणसाला कामाला प्राधान्य देणारा ठरला आहे.या उपक्रमामुळे अनेक कामे मार्गी लावण्यासाठी फायदेशीर ठरला आहे. यामध्ये  हदगांव तालुक्यातील नव्याने झालेल्या बरडशेवाळा महसूल मंडळ वगळता सर्वच मंडळात शासन आपल्या दरबारी उपक्रम राबविण्यात आला होता.परंतु कोरोना आजारानंतर अधिकारी कर्मचारी यांच्या कडून दिलेल्या गावाकडे गावभेट नावालाच उरली आहे.यामुळे गावकऱ्यांना शासनाच्या विविध योजनेचा लाभ घेण्यासाठी  काम सोडून हेलपाटे मारावे लागत असुन गावपुढारीची मनधरणी करावी लागत आहे.आपल्या हक्काच्या कामासाठी  अनेक अडचणीचा सामना करावा लागत असल्याने सर्व सामान्य माणसाच्या हितासाठी फायदेशीर ठरलेला शासन आपल्या दारी उपक्रम पुन्हा नव्याने राबविण्याची मागणी मानव विकास  संरक्षण समितीच्या महिला नांदेड जिल्हा अध्यक्षा तथा पळसा येथील सामाजिक कार्यकर्त्या सवीताताई विनोद निमडगे यांनी उपजिल्हाधिकारी तथा हदगांव तालुक्यांचे तहसीलदार जिवराज डापकर यांच्या सह गट विकास अधिकारी डि.के.अडेराघो यांच्या कडे लेखी निवेदनाद्वारे मागणी केली आहे.

हदगाव येथे 30 एप्रिल रोजी सर्व रोगनिदान आरोग्य शिबीराचे आयोजन

लोकनेते बाबुराव कदम यांची माहिती

हदगाव (प्रतिनिधी ) - हदगाव तालुक्यातील आंबाळा शिवरामध्ये व्यंकटरमणा इंग्लीश स्कुल मैदानात सर्व आरोग्य शिबीराचे आयोजन करण्यात आले असून या शिबीरासाठी हदगाव - हिमायतनगर तालुकाक्याचे लोकनेते बाबूराव कदम कोहळीकर यांचा पूढाकार महत्वाच ठरणार आहे.

 मान्यवरांचा सत्कार करताना संदेश पाटील हडसणीकर

या बाबत माहिती अशी की, सर्व रोग निदान शिबीराची माहिती देण्यासाठी हदगाव शहरातील माहेश्वरी भवन येथे बैठकीचे अयोजन करण्यात आले होते. या कार्यक्रमाचे अध्यक्ष बाबूरावजी कदम होते तर प्रमूख पाहूणे डॉ. शिंगणे साहेब ( सावंगी मेघे हॉस्पीटल), डॉ. उदावंत साहेब (सांगवी मेघे हॉस्पीटल), अशोकराव पवार, भाजपा विधानसभा अध्यक्ष निळकंट कल्याणकर गोपाळ सारडा, भाजपाचे प्रकाश राठोड, भाजपाचे सचिन पाटील कामारीकर, पंजाबराव देशमूख, शेतकरी नेते प्रल्हाद सुर्यवंशी, पत्रकार प्रतिनिधी दयानंद कदम, शितल भांगे तसेच आशा वर्कस महिला प्रतिनिधी आणि लोकनेते बाबूरावजी कदम यांची उपस्थिती होती. कार्यक्रमाचे प्रास्ताविक संभाजी लांडगे यांनी केले. प्रमूख पाहूणे शिंगणे साहेब यांनी सर्व रोग निदान आरोग्य शिबीराची माहिती उपस्थिताना दिली. अशोकराव पवार यांनी आपले आनुभव सांगितले तसेच गोपाल सारडा आणि पांडूरंग कदम यांनी देखिल आपले विचार व्यक्त केले.

बाबूराव कदम यांनी कार्यक्रमाचा आरखडा उपस्थितापूढे मांडतान ३० एप्रिल रोजी तिन स्तराव एकाच ठिकाणी कार्यक्रमाचे आयोजन करण्यात आले असल्याची माहिती दिली. ज्यात सर्व रोग निदान शिबीर, रोजगार मेळावा तसेच बच्चत गटातील महिलांसाठी मार्गदर्शन असे तिन स्तरीय कार्यक्रम आंबाळा शिवारातील व्यंक्टरमणा इग्लीश स्कूल येथे शिबीर होणार असल्याची माहिती दिली. कार्यक्रमाचे सुत्रसंचलन सुदर्शन पाटील यांनी केले तर कार्यक्रम यशस्वी करण्यासाठी शिवसेना युवा जिल्हाप्रमुख संदेश पाटील हडसनिकर, शंकर कदम, मंचकराव कदम आणि सर्व बाबूराव समर्थकांनी परिश्रम घेतल्याचे दिसून आले. कार्यक्रमाला आशा वर्कस, पत्रकार बांधव, बच्चत गटातील महिला आणि बाबूराव चहाता वर्ग मोठया प्रमाणात उपस्थित होता. कार्यक्रमाच्या एकदरीत माहिती वरून हदगाव तालुक्यातील सर्वात मोठे आरोग्य शिबीर होणार असल्याचा अंदाज येत होता.

हदगाव येथे तुळजा भवानी मंडळाचा भजन कार्यक्रम संपन्न

प्रा. गजानन गिरी

 हदगाव (प्रतिनिधी) - हदगाव शहरातील तुळजा भवानी मंडळाच्या वतीने दिनांक चार शनिवार रोजी दोरणागिरी हनुमान मंदिर कशावरून कार्यक्रमाच्या औचित्याने भजनाचा कार्यक्रम संपन्न झाला. या ठिकाणी आमलकी एकादशीनिमित्त भजन सादर करण्यात आले.

 भजनी कार्यक्रमाच्या वेळी तुळजाभवानी भजनी मंडळाच्या अध्यक्षा सौ. शीलाताई चिद्रावार, उपाध्यक्ष सौ. सागरबाई वाटेगावकर ,कोषध्यक्ष सौ. अनुताई मामीडवार , सचिव सौ. वर्षाताई देशमुख, सदस्या ज्योतीताई तिवारी, सौ. गोदावरी पिंपळे, सौ पुष्पा कंठाळे, सौ. प्रमिला मुक्कावार ,चित्रा देशमुख ,    सौ. शीला मामीडवार ,सूर्यवंशी, जाधव , मुंदडा , सुमित्रा जगताप , बोंबलेताई, काळेताई, सौ कदम ताई यांची उपस्थिती होती

भाजपा तालुका अध्यक्ष तातेराव पाटील यांच्या उपस्थितीमध्ये भाजपाचे शहर अध्यक्ष बाला कदम यांचा वाढदिवस साजरा

 हदगाव (प्रतिनिधी ) - भाजपाचे शहराध्यक्ष बाला कदम यांचा वाढदिवस मोठ्या उत्साहात हादगाव येथील शासकीय विश्रामगृह येथे साजरा करण्यात आला हदगाव भाजपा तालुकाध्यक्ष तातेराव पाटील वाकोडी यांनी बाला कदम यांना शुभेच्छा दिल्या यावेळी त्यांच्यासोबत भाजपाचे पदाधिकारी व कार्यकर्ते उपस्थित होते .

तातेराव पाटील यांच्या हस्ते खुल्या क्रिकेट सामन्याचे उद्घाटन

भारतीय जनता पार्टीच्या वतीने नेवरवाडी तालुका हादगाव येथे क्रिकेटचे खुले सामने ठेवण्यात आले यावेळी भाजपा तालुका अध्यक्ष तातेराव पाटील वाकोडी यांच्या हस्ते क्रिकेटच्या खुल्या सामन्याचे उद्घाटन करण्यात आले . यावेळी त्यांच्यासोबत भाजपा पदाधिकारी व निमंत्रित सदस्य शेखर पाटील कदम व इतर भाजपा पदाधिकारी व कार्यकर्ते उपस्थित होते . 

माजी आमदार उत्तमराव इंगळे यांचा वाढदिवस साजरा 

उमरखेड येथील भारतीय जनता पार्टीचे माजी आमदार उत्तमराव इंगळे यांचा वाढदिवस साजरा करण्यात आला भाजपा हदगाव तालुकाध्यक्ष तातेराव पाटील वाकोडे यांच्या वतीने त्यांना प्रत्यक्ष भेटून शुभेच्छा दिल्या यावेळी त्यांच्यासोबत भाजपा कार्यकर्ते उपस्थित होते.