आमदार अमोल मिटकरी यांच्या हस्ते आज रुई येथे विविध विकास कामाचे उध्दाटन व कार्यकर्ता सवांद कार्यक्रम
हदगाव (प्रतिनिधी) - विधान परिषदेचे आमदार अमोल मिटकरी यांच्या हस्ते आज दि. १ डिसेबर रोजी हदगाव तालुक्यातील रुई (धा) येथे विविध विकास कामाचे उध्दाटन करण्यात येणार असल्याची माहिती रुईचे सरपंच तथा राष्ट्रवादी कॉंग्रेसचे युवा तालुकाध्यक्ष अमोल कदम रूईकर यांच्याकडून प्राप्त झाली आहे.
आमदार अमोल मिटकरी हे आज दि. १ डिसेबर रोजी हदगाव दौ-यावर येणार असून त्यांच्या हदगाव तालुक्यात विविध ठिकाणी भेटी गाठी होणार असल्याचे समजून येत आहे. त्यांच्या कार्यक्रमाची रूपरेषा पहता अकोला, हिगोली, कमळनुरी,रुई (धा) ता. हदगाव, तामसा ता.हदगाव , विवाह सोहळा भेट असा दौरा असल्याचे कळत आहे. त्यांच्या आमदार निधी मधून हदगाव तालुक्यातील रुई (धा) येथे जे विकास कामे करण्यात येणार आहेत त्यांचे उध्दाटन देखिल होणार आहे. यावेळी त्यांच्या सोबत राष्ट्रवादी काग्रेसचे तालुकाध्यक्ष वंसतरावजी देशमूख, डॉ.देवराव पाटील बाभळीकर, फेरोज खान पठाण तसेच राष्ट्रवादी कॉंग्रेसचे पदाधिकारी यावेळी उपस्थित राहणार आहेत. आमदार अमोल मिटकरी यांचा चाहता वर्ग तालुक्यात मोठया प्रमाणात असल्यामूळे रुई सरपंच मंडळीकडून त्यांच्या सत्काराचा कार्यक्रम व कार्यकर्ता सवांद कार्यक्रमाचे अयोजन करण्यात आले असुन यावेळी ते आपल्या मित्रमंडळी व राष्ट्रवादी कॉंग्रेसच्या कार्यकर्त्याशी सवांद देखिल साधणार आहेत. विकास कामाचे उध्दाटन सायंकाळी ६ वाजता होणार असल्याने त्यांचे विचार ऐकण्यासाठी चाहत्या वर्गानी उपस्थित राहण्याचे आवाहण अमोल कदम रुईकर व सरपंच, उपसरंपच ग्रामपंचायत सदस्य व समस्त गावकरी मंडळीने केले आहे.
